गारगांव हे निसर्गरम्य व आदिवासी संस्कृतीने समृद्ध असे छोटे गाव आहे.२०११ च्या भारतीय जनगणनेनुसार या गावात सुमारे ६०० कुटुंबे राहतात. गावाची एकूण लोकसंख्या २४७९ असून त्यामध्ये १२४७ पुरुष व १२३२ महिला आहेत. ० ते ६ वयोगटातील मुलांची संख्या ३५४ असून त्यात १७४ मुले व १८० मुली आहेत. गावातील साक्षर लोकसंख्या १४३८ असून त्यामध्ये ८२६ पुरुष व ६१२ महिला साक्षर आहेत. अनुसूचित जाती (SC) लोकसंख्या ५ असून अनुसूचित जमाती (ST) लोकसंख्या २०३७ आहे, ज्यामध्ये १०२३ पुरुष व १०१४ महिला आहेत. गावातील कामगार (Working Population) संख्या १३३८ असून त्यामध्ये ६७८ पुरुष व ६६० महिला कार्यरत आहेत.या गावात मुख्यतः आदिवासी व कुणबी समाजातील लोक वास्तव्य करतात. कुणबी समाजाचा प्रमुख व्यवसाय शेती असून ते भात, नागली, वरी यांसारखी पिके घेतात, तर आदिवासी समाज प्रामुख्याने शेतमजुरी, वीटभट्टीमजुरी तसेच विविध कामगार म्हणून काम करतात. याशिवाय काही कुटुंबे कुक्कुटपालन, बकरीपालन यांसारख्या पूरक व्यवसायांद्वारे आपला उदरनिर्वाह करतात.गावातील सण-उत्सव व संस्कृतीही अत्यंत वैशिष्ट्यपूर्ण आहेत. गणेशोत्सव, होळी, दिवाळी हे सण मोठ्या उत्साहात साजरे केले जातात. विशेषतः गावात पारंपरिक नृत्य, लोकगीते आणि आदिवासी संस्कृतीचे जतन आजही केले जाते. एकूणच गारगाव वाडा हे नैसर्गिक सौंदर्य, पारंपरिक जीवनशैली आणि मेहनती लोकसंख्येमुळे ओळखले जाणारे समृद्ध गाव आहे.